صراحه عندي رهيب وخفيف

بنات السرير حلو ينفع حتى سن ماقبل الروضه او المدرسه حسب طول البيبي

يستحق الشراء أخذته بوقت التخفيض

كم مقاس المرتبة المناسب له ؟ ارجوا اللي تعرف تفيدنا

تكفوووون متي توفرونه

يجنن مره ويكفي الى عمر 4 سنين كمان

المنتج اكثر من رائع بس يحتاج فراش للبيبي

روعه روعه جبته لولدي عمره تسع شهور يهبل يابنات بالامانه كنت متخوفه من الشبك خفت انه رديء بس طلع حلوو وتركيبه سهل جدا مو خساره فيه الريال

رائع جدًا

يجنننننن خذوه وانتو مغمضييييين .. جودته روعه ومرا سهل فالتركيب .. بس ماعرفت كيف اركب بطارية للعبه ☹️

جميل ولكن ياليت توفرون اللون الوردي منه

ماشاء الله تبارك الرحمن سرير مثالي بمعنى الكلمه تعبت حتى الاقي شيء فخم وبهالجوده ومن حسن حظي عليه تخفيض جامد .. ركزو في كلامي لأني كنت احتاج وصف دقيق من تجربة ام للسرير قبل ما اشتريه .. بصراحه السرير كامل متكامل ولا غلطه جدا مناسب ان بغيتيه لمولود جديد او لطفل بعمر سنه وفوق سواء كان ولد بتختاريله ازرق واذا بنت فيه منه وردي .. السرير شامل كل احتياجات الأم والطفل من محبس العاب له باب سفلي قماش يتقفل بسحاب واذا تبينه للنوم فيه قطعه قماش مربعه وداخلها خشب تثبت السرير وتحطين فوقها فراش هذا للبيبي الكبير واذا مولود بالأشهر الأولى فيه قطعه اضافيه تتركب فوق بحيث يكون المولود قريب من امه وفيه طاولة تغيير الحفاظ لها جيوب منسدله تحطين فيها احتياجات البيبي الي تلزمه وقت التغيير عاد هذي الطاوله بسعر كليه وحلم اي ام تحصل عليها لأنها تخفف عليها العناء و وتسلمها من الام الظهر تقدرين تغيرين للبيبي ببساطه وانتي واقفه وفيه قطعه اضافيه ٣ جيوب كبيره تثبت ع السرير لباقي اغراض البيبي تغنيك عن المنظمات والشنط والأرفف والحوسه بالغرفه وفيه العاب منسدله عباره عن ٣ دمى مضيئه دواره وفيها مستويات هزاز للدمى وموسيقى هادئه جداً تنيم الكبير قبل الصغير يعني عادي تفتحيها وتنامين وفيه لمبه صغيره للأم تفتحها وقت الحاجه و الأدهى من كل ذلك والي خلاني اطلب السرير فيه قطع تتركب تحت بالسرير تخليك تقدرين تهزين السرير بيدينك بالنسبه لتوصيلهم طلبت السرير الظهر دق المندوب بنفس اليوم العصر ماشاءالله هذا وهم يقولون انهم خارج السعوديه كذلك السرير ينطوي ويدخل بشنطه للي يحب يسافر فيه ولكن وزنه ثقيييل ممكن ما تاخذون معكم كل القطع انتو ورغبتكم كذلك تركيبه كأم مستجده لقيته معقد وصعب شويتين وكان مافيه فديوهات شرح واضحه بالنت والكتيب حقه مو مفهوم فيه احرف ورموز لذلك اخذ مني وقت وجهد كبير بس مو حسافه ابدااااا فيه المهم هذا السرير يستاهل كل هلله والله وانصح كل ام فيه بلا مهد بلا هزاز بلا هم والله ذا ابهرني جدااااااا جداااااا اشكر الي اخترعه سنه اعاني من طفلي لأنه تعود على الهز ذا السرير ريحنا بشكل وخلاه ينام 🥲♥️♥️♥️